Om familia vår - 

Vi bur på eit lite gardsbruk i Engesetdal i Skodje kommune nær Ålesund. Familia består av Lars-Olav, Sigbjørn og Kristin og Harald.

Halvor var eldste guten, men døde desverre i 2005, 31 år gammel.

Grasdal

• Familia flytta til Møre i august 1980. Vi flytta til eit nedlagt bruk som det ikkje hadde budd folk på på lenge, og sjølve garden var ikkje dreven dei siste 20 åra. Då flyttebilen kom, visste det seg at der heler ikkje var brukbar veg heilt fram, alt måtte berast dei siste 150 meterane.
• Det viste seg etterkvart at optimismen kanskje var vel stor då vi kjøpte bruket.  Det meste bar preg av tidens tann og at det var lenge  sidan det hadde vore eit godt vedlikehald på garden. Gjerdehold, marker, fjøs og hus var alt i svært dårleg forfatning i forhold til det som var ønskeleg om ein skulle leve der og drive garden. Før dette gjekk opp for oss, hadde vi desverre brukt svært mykje penger i håp om å få det som eit delvis levebrød.
• Også etter at vi innsåg at garden for alltid vil vere ein dyr, men hyggeleg hobby, har vi lagt ned store ressurser på den. Det er bygt nytt bustadhus (1983), i 1992 vart det bygt det som skulle vere ei garasje, men som i alle år har vore nytta som fjøs. I 1998 vart det bygt eit lafta stabbur, og i 1996 eit vedskjul, faktisk det finaste vedskjulet i Grasdalen! I 2005 vart det bygt ny sauefjøs, der vi hadde sau i tre år før vi ominnreda den til eselfjøs og tok  sauene tilbake til "garasja". Sauetalet var no redusert til knappe 30 vfs.
• Sidan 1999 har vi produsert gardsmat, med hovedvekt på tradisjonell julemat, lammeribbe og spekekjøt. Til vanleg har vi hatt 12-14 produkt av lam, og produksjonen har auka heile tida fram til vi reduserte drifta i 2008. På det  meste laga produserte vi omlag 500 spekelår og lammeribbe.
• Vi starta med import av miniatyresel i 2006, og har no 10 hopper og 3 hingster.  Følla vert selde som livdyr etterkvart som dei er store nok.

Frå venstre: Halvor, Sigbjørn og Lars-Olav

Kristin og Harald var på tur til Kiel i 2006........